4. urtetik gorako haurrak dituzten familientzat egokia, Elgarrekin Mendian 5 kilometroko oinezko ibilaldia da, kirol-, jolas- eta hezkuntza-jarduerekin tartekatua.
Ibilbide osoan zehar, parte-hartzaileak beren ingurune naturala ezagutzera gonbidatuko dira, hainbat jardueraren bidez: zuhaitzetara igotzea, arku-tiroa, desgaitasunaren inguruko sentsibilizazio-tailerra eta ingurumenaren inguruko sentsibilizazio-tailerra. Beste hainbat animaziok ere egunari erritmoa emango diote.
Egun honek aukera ematen du natura-ondarea ezagutzeko, aire zabaleko jarduerak egiteko, desgaitasunaren inguruan sentsibilizatzeko eta parte-hartzaileen arteko harremanak sendotzeko, giro atsegin eta familiar batean.
Asmakizun batek esperientzia osatuko du: behatu, bilatu eta bildu hura argitzeko aukera emango dizuten arrastoak!
Ibilbide berria
Aurten, familiek Ibardingo beste bide batzuk ezagutuko dituzte! Abiapuntua eta helmuga Batzarlekuko lepoan izango dira.
Ibilbide osoa seinaleztatuta egongo da, eta familia bakoitzak ibilbidearen mapa bat jasoko du.
Ibilbidea mugikortasun urriko pertsonentzat egokia da, eta eskura jarriko diren joëlette aulkien erabilera ere posible izango da (eramaileak barne)
Informazio baliagarriak
Abiatzeak 10 minutuero, 10:00etatik 14:00etara.
Dohainik
Izen-emateak irailaren 25ra arte: 05.59.85.94.26 telefonoan. Tokiak mugatuak dira!
Egun osoan, guraso elkarte batek jatekoa proposatuko du.