Herriak etxeak egiteko saltzen dituen lursailen gaineko argibideak

Herriarenak diren 6 lursail horien salmentak sortzen dituen ohiko galerei erantzunak eskaini nahi ditu Urruñako herriko etxeak .

Ohiko galderak

• Banku maileguaren simulazioa aski ote da lursail bat erosteko?

Bankuaren printzipiozko akordioa behar da, edo zure finantzamendu gaitasunaren frogak eman behar dituzu.

• Zeri buruzkoa da bankuaren hasierako akordioa?

Kolektibitatearentzat, bankuaren hasierako akordioa lurraren salmentari buruzkoa baino ez da izan behar. Baina, norbanakoei dagokionez, ez da bistatik galdu behar  hautagaitza txostenak, obrak  bi urteko epean eginen direla aurreikusten duela, eta ondorioz proiektu orokor bat diruztatzeko ahalmena inplikatzen duela, epe labur edo ertainean. 

• Elkarri datxizkion bi etxe eraikitzeko parada ote da hiri barneko lursailean? 

Bai, posible da. 
Horra prozedura:
Hautagai bakoitza Urruñakoa izan  eta hautagaitza fitxa bat bete behar du, teorikoki zozketatuak izateko aukerak bikoiztuz.
Ondotik, hiri barneko lursailari dagokion laukia markatu behar da, elkarri datxiskion bi etxe eraikitzeko proiektua aipamena gehituz.  
Aurkeztu behar diren justifikagirietan, hala nola  bankuaren printzipiozko akordioari dagozkionak, galdegin prezioaren erdia ordaintzeko engaiamendua hartzen duzuela zehaztu beharko duzue,  eta bigarren etxea eraikiko duen hautagaiaren partea segurtatzen duen bankuaren akordioa erantsi beharko duzue.   

• Hiri barneko lursailean den urtegia lekuz aldatuko ote da?  Lursail  hori berritzeko obrak egitea aurreikusten da?

Landaburuko urtegia beste hurbileko herri lur eremu batera eramanen  da. Fase honetan, ez da lursailaren berritzeko obrarik aurreikusten, gaur egun den bezala, zimenduen ezartzeko lur berdintze obra pizuak egin beharrik gabe,    obra handiak zuzenean gauzatzeko aukerak eskaintzen baititu.