Azken egunetako euriek ez dute egoera hobetzea ahalbidetu. Euri eskasiak, tenperatura beroek eta erreken emari apalek ur baliabidea arriskuan ezartzen dituzte. Horrez gain, uda garaian ur kontsumoa %20tik %30era emendatzen da, hortaz, egoera are larriagoa da.
Herritar guziak uraren erabilera neurtzera eta ezinbestekoak ez diren erabilerak mugatzera deituak dira.
Murrizketa nagusiak
Herritarrentzat
- Baratze, belardi eta lorategiak 08:00etatik 20:00etara ureztatzea debekatua da.
- 1 m³ baino handiagoko igerileku pribatuak betetzea debekatua da ( ur maila osatzeko izan ezik).
- Etxean ibilgailuak garbitzea debekatua da.
- Fatxadak, teilatuak, terrazak, espaloiak eta bestelako gainazalak garbitzea debekatua da, segurtasun arrazoiak edo salbuespen sanitarioak izan ezik.
- Zirkuitu irekiko apaingarri-iturriak gelditu beharko dira, teknikoki posible denean.
Profesionalentzat
- Ibilgailuak eta itsasontziak garbitzea debekatua da, ur gutxi kontsumitzen duten sistemak edo salbuespen sanitarioak izan ezik.
- Fatxadak, bideak eta gainazal iragazgaitzak garbitzea debekatua da, araudian aurreikusitako salbuespenak izan ezik.
- Kirol zelaiak 20:00etatik 08:00etara bakarrik ureztatzen ahalko dira, astean gehienez bi aldiz.
- Golf zelaietan green-ak eta hasierako eremuak baizik ez dira ureztatzen ahalko, eta asteko ur kontsumoa gutienez %60 murriztu beharko da.
- Jendearentzat diren igerilekuak betetzea debekatua da, ARS osasun agentziak erakundeak egiaztatutako premia sanitario baten kasuan izan ezik
Laborarientzat
- Laborantza ureztatzeko ur hartzeak murriztuak dira.
- Baratzezaintza, baratzezaintza apaingarria eta fruitu-arbolen ureztatze lokalizatua 20:00etatik 08:00etara baimendua da.
- Salbuespen gisa, e ekoizle profesionalentzat, uztaren biziraupena bermatzeko ezinbestekoa denean egunez ureztatzea baimenduko da,
Murrizketa horiek ez errespetatzeak isun handiak ekar ditzazke: 1.500 euro arte pertsona fisikoentzat eta 7.500 euro arte enpresentzat.
Herri bakoitzean aplikatzen diren neurriak VigiEau webgunean kontsulta daitezke.