Tokiko Elikadura osasuntsuaren astea

Tokiko Elikadura Osasuntsuaren  astearen 3. edizioa antolatzen du Urruñako herriak

2025eko apirilaren 2tik 12ra. Aurtengo gaia Sagarra izanen da.

Aste horren helburua da  publiko guziei tokiko eta sasoiko elikaduraren garrantzia ulertaraztea eta, lurraldean elikaduraren aktore edo eragile bilakatzeko gomita eginez.Horretarako, herriko hainbat zerbitzu mobilizatzen ari dira.

Apirilaren 2an, asteazkena, 10:00etatik 13:30etara, Posta gelan GEUZek guraso eta haurren arteko tailerra eskainiko du Elikadura Bankuko dietetista batekin.

Apirilaren 4an, ostirala, Gazte Guneak 12 eta 17 urte bitarteko sei gazte eta horien gurasoei zuzendu sukaldaritza tailerra eskainiko du Michel Leguia sukaldariarekin.  

Apirilaren 7an, astelehena, 10:00etatik 13:30era Posta gelan , CPIEk Goxo Toki  adinekoen Poloko kideei  eta herriko etxeetako haurtzainei  sagarrondoari buruzko hitzaldia eskainiko die.

Apirilaren 9an, asteazkena, hainbat ekintza antolatu dira, hala nola:

10:00etatik 13:30era, René Soubelet plazan, GEUZeko onuradunek eta  kideek (Goxo Tokiko kideak,  etxeetako haurtzainak eta elikadura laguntza jasotzen duten pertsonak) fruitu eta barazkien inguruko jokoetan parte hartzera gomitatzen dira . Goiza bazkari partekatu batekin bukatuko da.

Aisialdiko harrera guneak, berriz, egun oso bat proposatuko die haurrei eta haien familiei. Goizean, hiru tailer proposatuko dira. CPIEk 6 eta 10 urte bitarteko haurrekin "Sagarratik kofoinera" gaiaren inguruan, 8 eta 9 urte bitartekoentzako eskape game bat antolatuko da eta sukaldaritza tailerrak eskainiko dira. Arratsaldean bertan antolatu ikusgarrian parte hartuko duten  (ikus beherago) haurrek eta animatzaileek aperitifa prestatuko dute. Aldi berean, Putillenea EHPADeko lau egoiliarrek eta animatzaile batek sukaldaritza tailer batean parte hartuko dute haurrekin. Bestalde, tailerretan parte hartuko ez duten haurrek sagarraren inguruko jarduerak eginen  dituzte.
Arratsaldean zehar labirinto bat sortuko da Zokoako kiroldegian. Sagarraren zikloari buruzko bideo bat eta CPIEko kide bati egin elkarrizketa (Haurren Herriko  Kontseiluko kideek egina) proiektatuko dira. Labirintoaren apainketa eskola publikoetako haurrek eginen dute, eskolaldiaren inguruko denboretan eta aisialdi gunean.
13:30etik 16:00etara, Sarde Sardexka elkarteak haurrekin trukatuko du: desafio sentsoriala eskainiz eta artisau eta industria sagar zukuen konparaketa bat proposatuz.
18:00etatik aitzina, aisialdi guneko haurrek eta eskola publikoko eskola inguruko denboretan ekitaldiaren antolaketan parte hartu dutenek ikusgarri bat eskainiko dute. Musika animazioa Txomin Dhersek (txalaparta) eginen du, haurren kontseiluko  hiru haurrekin batera. Ondoren, haurrek prestatutako aperitifa eskainiko da.

Urruñako eskoletan ere ekintzak antolatuko dira.
Natur ingurune zerbitzuko agenteek herriko  eskola guzietara joanen dira apirilaren 7a bitartean. Sagarrondoa eta, oro har, bioaniztasuna aipatuko dituzte: zer da sagarrondo bat (zuhaitzaren eta lorearen konposizioa)? Zergatik da garrantzitsua Euskal Herrian? Fruitu-arbolaren eragin historikoa edo haren polinizazioa ere aipagai ukanen dituzte. Polinizatzaileen funtzionamendua sakonkiago aipatuko dira, baratze baten garrantzia eta fruitu-arbolen osagarritasuna, edo baita belarraren tamaina eta animaliak erakartzeko moldeak ere (hegaztientzako etxetxoak adibidez). Tailer horientzako Natur Inguruneko zerbitzuko agenteek Goxo tokiko kideak ukanen dituzte laguntzaile, sagarrondoaren bilakaera gogoratuz eta trukaketak bultzatuz.Bestalde, apirilaren 7tik 11rako astean, sagarraren gaiari buruzko bazkaria eskainiko da eskola publikoetan.  

Elikaduraren Astearen hirugarren edizioa apirilaren 12an bukatuko  da, larunbatez, René Soubelet plazan, 08:00etatik 13:00etara. Ohiko merkatariekin batera (garagar kafea, lamen zorroztea, fruitu eta barazkiak, ardi gasna, xaboiak, food truck eta abar), beste mahai  edo hizlari batzuk presente izanen dira.
Herriko zerbitzuek herriko etxaldea  aurkeztuko dute, herriko proiektu handienetako bat baita. Baratzearen  bioaniztasunaz eta polinizazioaz ere sentsibilizatzeko ekintzak proposatuz.
Korrika egiten duen Basoa elkarteak, aitzinkontu partehartzailearen irabazleetariko batek, Bixikeneako baso elikagarriaren proiektua aurkeztuko du. Hasi Sarea elkarteak hazien trukaketza proposatuko du eta Bilkura elkarteak xixarearen  inguruko ibilbide sentsorial ludiko bat antolatuko du. Elikartasuna elkarteko kideak ere bertan izanen dira, Elikaduraren Gizarte Segurantzari buruz trukatzeko. Azkenik, Indartia landaretegia stand bat izango du.